Surreya Kral Universitetinin həkimləri Böyük Britaniya və Avstraliyadakı xəstələrdə bağırsaq xərçənginə qarşı peyvəndi sınaqdan keçiriblər.

“Report” “Daily Mail”ə istinadən xəbər verir ki, dərman iki ildən sonra geniş istifadə üçün hazır ola bilər ki, bu da xəstələri cərrahi müdaxilə ehtiyacından xilas edə bilər.

Dərmanla müalicə iki həftəlik fasilələrlə dərmanın üç dozasının tətbiqini nəzərdə tutur. Həkimlərin fikrincə, bu, immun sistemini xərçənglə mübarizə aparmağa öyrədəcək. Müvəffəqiyyətli olarsa, bu, şişi çıxarmaq üçün cərrahi müdaxilə ehtiyacını aradan qaldıra bilər və gələcəkdə xərçəng residivlərinin qarşısını ala bilər.

“Bu gün xərçəng hüceyrələrinə təsir edə bilən dərmanlar var, lakin insanlar onları ömür boyu qəbul etməlidirlər. Bizim peyvəndimiz daha təsirli və rahat ola bilər”- həkimlər qeyd ediblər.

Dərman sınaqları Böyük Britaniyanın Xərçəng Araşdırmaları Mərkəzinin klinik sınaqlar bölməsi tərəfindən aparılır. Müvəffəqiyyətli olarsa, tədqiqatçılar bunun iki il ərzində klinikalarda istifadə üçün lisenziyalaşdırıla biləcəyinə inanırlar.

Şəffaflıq.az