Sumqayıtda 48 yaşlı piyadanın ölümü ilə nəticələnən yol-nəqliyyat hadisəsi baş verib.

“Report” un yerli bürosu məlumat verir ki, hadisə şəhərin “Mero yolu” adlanan ərazisində qeydə alınıb.

“Opel” markalı avtomobil yolu keçmək istəyən piyada, 1976-cı il təvəllüdlü Malik Əlişan oğlu Ağayevi vurub.

O, xəstəxanaya çatdırılarkən yolda keçinib. Faktla bağlı araşdırma aparılır.