Neftçalada yanan ev söndürüldükdən sonra kişi meyiti aşkarlanıb.

Şəffaflıq.az-ın məlumatına görə, hadisə bu gün gecə saatlarında Bankə qəsəbəsində qeydə alınıb.

İlkin məlumata görə, qəsəbədə fərdi yaşayış evlərin birində yanğın başlayıb. Hadisə yerinə cəlb olunan FHN-in Neftçala Yanğından Mühafizə Hissəsi tərəfindən yanğın söndürülüb və digər tikililərə keçməsinin qarşısı alınıb.

Evə baxış zamanı yanmış kişi meyiti aşkarlanıb. Meyit müayinə olunması üçün məhkəmə tibbi-ekspertizaya göndərilib.

Meyitin 1960-cı il təvəllüdlü Xanməmmədov Məhəmməd Böyükağa oğluna məxsus olduğu məlum olub.

Faktla bağlı araşdırma aparılır.