Çində yaranan və dünyanın 80-dən çox ölkəsinə yayılan koronavirus xəstəliyinə (COVID-19) bu günə kimi 98 mindən çox insan yoluxub.

Şəffaflıq.az xəbər verir ki, virusa yoluxanların sayı nə qədər çox olsa da, bundan sağalanların sayı da az deyil.

Bu günə olan statistikaya əsasən, dünya üzrə 55 min 418 nəfər epidemiyadan xilas olmağı bacarıb. COVID-19 virusundan ölənlərin sayı isə 3383 nəfər təşkil edir. Həyatını itirənlərin 2931 nəfəri məhz Çinin payına düşür. Bu ölkədə virus daşıyıcıları isə 80 mindən çoxdur.

Sevindirici haldır ki, virusun tüğyan etdiyi ölkələrdə sağalanların sayında da nəzərəçarpacaq dərəcədə artım var. Virusun yayıldığı gündən bu yana İranda 739 nəfər, İtaliyada 414 nəfər, Cənubi Koreyada isə 135 nəfər koronavirusdan sağalıb. Ən böyük sağalanlar kütləsi, təbii ki, 53 min 738 nəfərlə Çinin payına düşür

Koronavirusdan qorunmaq və xəstəliyin yayılmasının qarşısını bu yolla almaq olar:

Hər kəs üçün fərdi qorunma qaydaları - aşağıdakı qaydalara riayət etməklə sağlamlığınızı və başqalarının sağlamlığını qoruya bilərsiniz.

• Əllərinizə mütəmadi spirt əsaslı məhsullar vurun və ya sabunla yuyun. Əllərin səthində hər hansı virus varsa, spirt tərkibli məhluldan istifadə və ya sabunla yumaq onu öldürəcək.
• 
  
• Öskürən və ya asqıran insanlardan ən azı bir metr məsafədə dayanın. Burun və ya ağızdan öskürək və ya asqırma zamanı virusun ən kiçik damcıları ətrafa yayılır. Belə bir insana çox yaxın olmaq bu damcılar vasitəsilə virusa yoluxmağa səbəb ola bilər.
• 
  
• Mümkün qədər əllərinizlə gözləriniz, burnunuz və ağzınıza toxunmayın. Əllər bir çox səthə toxunur və virus onlara çata bilər. Əllərdə olan virus isə göz, burun və ya ağıza düşə bilər. Bədənin bu hissələrindən virus orqanizmə daxil ola bilər və xəstəlik yarana bilər. 
• 
  
• Hər bir şəxs tənəffüs gigiyena qaydalarına ciddi əməl etməlidir. Bunu etmək üçün öskürəndə və ya asqıranda ağzınızı və ya burnunuzu dirsəyinizə tutun və ya salfet ilə ağzınızı örtün. Salfetlərdən istifadə də ətrafa virusun yayılmasının qarşısını ala bilər. Virus kiçik damcılarla ötürülür. Tənəffüs gigiyena qaydalarına ciddi əməl edərək başqalarını SARS, qrip və COVID-19 kimi virus xəstəliklərindən qoruya bilərsiniz.
• 
  
• Özünüzü pis hiss edirsinizsə, evdə qalın. Qızdırma, öskürək və ya nəfəs almaqda çətinlik çəkirsinizsə, ən qısa müddətdə həkimə müraciət edin. Yerli sağlamlıq idarənizin göstərişlərinə əməl edin. Bu yolla özünüz barədə tibbi müəssisələri məlumatlandırır və kritik durum zamanı müdaxilənin əsasını qoyursunuz.

Koronavirus əlamətləri hiss etdikdə bunu MÜTLƏQ EDİN

Azərbaycanda koronavirusa yoluxan şəxs ilk olaraq təcili yardımın 103 xidmətinə zəng etməlidir. Daha sonra ev daxilindədirsə, ayrıca otağa keçib ailə üzvlərini yaxına qoymamalı, ağzına maska və ya sadəcə dəsmal bağlamalı, əgər çölə çıxa bilirsə, açıq havaya və geniş sahəyə çıxaraq təcili yardımı gözləməlidir. Təcili yardım onu Bakıda koronavirus müalicəsi üçün ayrılmış xüsusi klinikalara transfer edəcək, həmin yerdə lazımi analizlər aparılacaq. Cavablar neqativ çıxsa da, yəni sizdə koronavirus aşkarlanmasa da, 7 gün karantin müddətində həkim nəzarətində qalmalısınız.

ÖLKƏLƏR	Yoluxan	SAĞALAN
Çin	80552	53738
Cənubi Koreya	6284	135
İtaliya	3858	414
İran	3513	739
Almaniya	545	16
Fransa	423	12
Yaponiya	360	43
İspaniya	282	2
ABŞ	233	8
İsveçrə	119	3
Sinqapur	117	78
Böyük Britaniya	116	8
Honq Konq	105	46
İsveç	94	0
Norveç	91	0
Niderland	82	0
Avstraliya	60	21
Küveyt	58	0
Bəhreyn	55	0
Malayziya	50	22
Belçika	50	1
Tailand	47	31
Kanada	46	6
Tayvan	44	12
Avstiya	43	0
İraq	35	0
İslandiya	34	0
Yunanıstan	31	0
Hindistan	30	3
BƏƏ	29	5
San Marino	21	0
Əlcəzair	17	0
Oman	16	2
Vyetnam	16	16
Livan	16	1
İsrail	16	2
Ekvador	13	0
Çex Respublikası	12	0
Finlandiya	12	1
Makau	10	9
Danimarka	10	0
Xorvatiya	10	0
Portuqaliya	8	0
Qətər	8	0
AZƏRBAYCAN	6	0
Rumıniya	6	1
İrlandiya	6	0
Belarus	6	0
Səudiyyə Ərəbistanı	5	0
Pakistan	5	0
Meksika	5	1
Fələstin	4	0
Yeni Zelandiya	4	0
Rusiya	4	2
Seneqal	4	0
Braziliya	4	0
Çili	4	0
Gürcüstan	4	0
Sen-Bartelemi	3	0
Filippin	3	1
Estoniya	3	0
Misir	3	1
Argentina	2	0
Sloveniya	2	0
Bosniya və Herseqovina	2	0
İndoneziya	2	0
Macarıstan	2	0
Lüksemburq	2	0
Mərakeş	2	0
Litva	1	0
Kamboca	1	0
Şimali Makedoniya	1	0
Monako	1	0
Əfqanıstan	1	0
Ermənistan	1	0
Dominikan Respublikası	1	0
Ukrayna	1	0
Cənubi Afrika Respublikası	1	0
Lixtenşteyn	1	0
Farer adaları	1	0
Kosta Rika	1	0
Andorra	1	0
Cəbəli-Tariq	1	0
Nigeriya	1	0
Tunis	1	0
Bhutan	1	0
Nepal	1	0
İordaniya	1	0
Polşa	1	0
Latviya	1	0
Şri Lanka	1	0