Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov və Litvanın xarici işlər naziri Kestutis Budris Vilnüsdəki görüş zamanı ikitərəfli əməkdaşlığın inkişaf perspektivlərini müzakirə ediblər.

Şəffaflıq.az xəbər verir ki, Litvanın dövlət rəsmisi bu barədə "X" sosial şəbəkəsindəki hesabında paylaşım edib.

"Litva və Azərbaycan energetika, ticarət, insanlar arasında əlaqələr, eləcə də Cənubi Qafqaz regionunda sülh və rifahın təmin edilməsi daxil olmaqla, qarşılıqlı maraq doğuran istiqamətlər üzrə inamla irəliləyirlər", - nazir yazıb.