Rusiya Prezidenti Vladimir Putin Moskvada səfərdə olan HƏMAS nümayəndə heyəti ilə görüşməyi planlaşdırmır.

Şəffaflıq.az Rusiya KİV-ə istinadən xəbər verir ki, bu barədə prezidentin mətbuat katibi Dmitri Peskov brifinqdə bildirib.

"Xeyr, görüş planlaşdırılmır", - o qeyd edib.

KİV-in məlumatına görə, HƏMAS-ın Siyasi Bürosunun sədr müavini Musa Əbu Mərzukun rəhbərlik etdiyi nümayəndə heyəti səfər zamanı Qəzza zolağında humanitar böhranın nəticələrinin azaldılmasına kömək göstərilməsi xahişi ilə Rusiya tərəfinə müraciət etmək niyyətindədir.

Bundan əlavə, nümayəndə heyəti Rusiya tərəfini Qəzza zolağında atəşkəs razılaşmasının həyata keçirilməsinin gedişi barədə məlumatlandıracaq.

Qeyd edək ki, HƏMAS nümayəndə heyətinin Moskvaya əvvəlki səfəri 2024-cü ilin oktyabrında baş tutub.