Sabirabadda 18 yaşlı qız su arxına düşərək boğulub.

Şəffaflıq.az-ın məlumatına görə, hadisə rayonun Balakən kəndi ərazisində qeydə alınıb.

İlkin məlumata görə, kənd sakini 2006-cı il təvəllüdlü Hüseynova Mədinə Niyaməddin qızı evlərinin yaxınlığından keçən su arxına düşərək boğulub.

Meyit su arxından çıxarılaraq aidiyyəti üzrə təhvil verilib. Qeyd olunub ki, M. Hüseynova epilepsiya xəstəliyindən əziyyət çəkirmiş.

Faktla bağlı araşdırma aparılır.