İranın xarici işlər nazirinin keçmiş müavini Abbas Əraqçi böyük ehtimalla yeni Prezident Məsud Pezeşkianın hökumətində xarici işlər naziri olacaq.

Şəffaflıq.az xəbər verir ki, bu barədə “Tasnim” agentliyi məlumat yayıb.

Məlumata görə, M.Pezeşkianın məsləhətçiləri hesab edirlər ki, A.Əraqçi ölkənin xarici işlər naziri postu üçün ən uyğun namizəddir.

Bildirilib ki, A.Əraqçi artıq Pezeşkianın xarici siyasət məsələləri üzrə müşaviri funksiyasını yerinə yetirir.