Rusiyalı iş adamı Dmitri Obretetskini Londonda maşın vuraraq öldürüb. Virtualaz.org xəbər verir ki, bu barədə ötən gün “Partners & Borovkov” konsaltinq şirkətinin saytında məlumat yerləşdirilib.

"Volgograd Online" portalının yaydığı məlumata görə, "Magnat" şirkətlər qrupunun qurucusu və sahibi avtomobillə vurulandan sonra komaya düşüb. Təxminən bir həftə sonra, noyabrın 30-da Obretetski komadan ayılmadan ölüb. Qohumları hələlik hadisənin təfərrüatlarını açıqlamayıblar.
Ancaq o məlumdur ki, son illərdə biznesmen ailəsi ilə birlikdə İngiltərədə yaşayırdı.

Dmitri Obretetski 1991-ci ildə Volqoqradda “Maqnat” şirkətini təsis edib. Hazırda şirkətlər qrupu Rusiya daxilində fəaliyyət göstərir və “Mars”, “Nestle”, “Procter & Gamble” şirkətlərinin rəsmi distribütorudur.

İş adamı Rusiyanın futbol üzrə milli komandasının “Euro-2008”-dəki bürünc mükafat qazandığı oyundan sonra futbol mühitində xeyli məşhurlaşmışdı. Maqnat holland fanatlara məxsus tribunada canlı yayım zamanı görüntülənib. O, üzərində "Volqoqrad" yazısı olan böyük bir Rusiya bayrağı tutub.

Şəffaflıq.az