“Ermənistan-Azərbaycan normallaşma prosesi çərçivəsində danışıqlarda Rusiyanın fəallığının azalması Ukraynadakı hadisələrlə bağlıdır”.

Şəffaflıq.az“Sputnik Ermənistan”a istinadən xəbər verir ki, bunu ölkənin baş naziri Nikol Paşinyan iyulun 25-də keçirdiyi mətbuat konfransında bildirib.

Baş nazir son vaxtlar Qərb platformalarında görüşlərin üstünlük təşkil etməsinə və ABŞ Dövlət katibi Antoni Bliken ilə bir neçə dəfə telefon danışığının baş tutmasına diqqət çəkib.

“Mən ABŞ-ın səylərini yüksək qiymətləndirirəm, çünki onlar sülh müqaviləsinin reallaşması üçün həqiqətən böyük səy göstərirlər”, - Paşinyan bildirib.

Onun fikrincə, bu, Rusiya və ya Qərbi prosesdən kənarlaşdırmaq istəyi ilə bağlı deyil, obyektiv səbəblərdən baş verir: “Rusiyanın danışıqlar və təşəbbüskarlıq baxımından fəallığının azalması Moskvanın məsələnin həllini istəməməsinə görə deyil, Ukraynadakı hadisələrlə bağlıdır”.