Azərbaycanla Türkiyə arasında birgə turizm marşrutunun yaradılması nəzərdə tutulub.

Şəffaflıq.az xəbər verir ki, bunu jurnalistlərə açıqlamasında Dövlət Turizm Agentliyinin sədrinin müavini Azadə Hüseynova bildirib.

"İki ölkə arasında dağ-xizək turizmi, qastronomiya turizmi, qeyri-ənənəvi turizm məhsulları üzrə birgə əməkdaşlıq planlaşdırılır. Eyni zamanda, hər iki tərəf arasında beynəlxalq təşkilatlarda təmsilçiliklə bağlı, müxtəlif turizm sərgiləri və tədbirlərdə birgə əməkdaşlıq, turizm sənayesi nümayəndələri ilə birgə işin təşkili, təhsil sahəsində əməkdaşlıq imkanları və qarşılıqlı turist gəlişini artırmaq, əməkdaşlığı daha da möhkəmləndirmək üçün görülməli işlər müzakirə edilir",- o deyib.