Apellyasiya Məhkəməsinin üç hakimi yola salınır
Bakı Apellyasiya Məhkəməsinin üç məşhur hakimi – Habil Məmmədov, İlqar Murquzov və Həsən Əhmədovun səlahiyyətlərinə xitam veriləcək.
Şəffaflıq.az xəbər verir ki, bu barədə “gununsesi.info” saytının yaydığı informasiyada adıçəkilən hakimlərin hakim korpusunda ədalətsiz qərarları ilə seçildiyi vurğulanır. Qeyd olunur ki, hakim Habil Məmmədovun çıxardığı əksər hökmlərin qanunvericiliyə zidd olması barədə çoxsaylı faktlar üzə çıxıb. Bu faktların sayı o qədər çox olub ki, Prezident Administrasiyası daxil olan şikayətlərlə bağlı Ədliyyə Nazirliyini bilgiləndirib.
Məlumatda bildirilir ki, Ali Məhkəmə hər üç hakimlə bağlı xüsusi qəradad çıxararaq, Məhkəmə-Hüquq Şurasına yollayıb. "Bu, Ali Məhkəmənin adıçəkilən şəxslərlə bağlı ikinci qəradadıdır. Məhkəmə-Hüquq Şurası hər üç hakimlə bağlı iltizam icraatı başladıb", - xəbərdə vurğulanır. Qanunvericiliyin tələbinə görə, barələrində iltizam icratı başladılan hakimlər məhkəmə orqanlarından uzaqlaşdırılmalıdır.
Facebook-da paylaş
