FÜZULİ VƏ ZƏNGİLANDA BASDIRILAN MİNALARIN XƏRİTƏLƏRİ TƏHVİL VERİLDİ - Rəsmi

Rusiya Federasiyasının təşəbbüsü ilə Ermənistan işğal dövründə Füzuli və Zəngilan rayonlarında basdırdığı təqribən 92 min tank və piyada əleyhinə minalara dair xəritələri bu gün Azərbaycan tərəfinə təqdim edib.
Bu barədə Azərbaycanın Xarici İşlər Nazirliyindən bildirilib.
"Mina xəritələrinin alınması üzrə humanitar təşəbbüsün həyata keçirilməsində göstərdiyi vasitəçilik xidmətlərinə görə Azərbaycan Respublikasının ərazisində müvəqqəti yerləşdirilmiş Rusiya Federasiyası sülhməramlı kontingentinin komandanı Rüstəm Muradova təşəkkürümüzü ifadə edirik.
Mina xəritələrinin əldə edilməsi on minlərlə vətəndaşımızın, o cümlədən minatəmizləyənlərin həyatını təhlükədən xilas edəcək və işğaldan azad edilmiş ərazilərimizdə Azərbaycan Respublikasının Prezidenti cənab İlham Əliyev tərəfindən əsası qoyulan tikinti və yenidənqurma layihələrini və məcburi köçkünlərin qayıdışı prosesini sürətləndirəcəkdir", - deyə məlumatda bildirilir.
Humanist addım olaraq Azərbaycan tərəfi məhkəmənin hökmü ilə azadlıqdan məhrum edilmiş və təyin edilmiş cəza müddəti bitmiş 15 nəfər erməni əsilli şəxsi Ermənistana təhvil verib.

Xəbəri paylaş

Facebook-da paylaş


Bənzər xəbərlər
  • Ermənistan Füzuli və Zəngilanda minalanmış ərazilərin xəritələrini verib
  • Son bir həftədə azad olunan ərazilərdə aşkarlanan minaların sayı açıqlanıb
  • Füzuli rayonunda piyada əleyhinə 15 mina və tank əleyhinə 1 minanın partladıcısı aşkarlanıb
  • Azərbaycan ikinci dəfə Ermənistanla bağlı Avropa Məhkəməsinə şikayət göndərib
  • Prezidenti İlham Əliyev və birinci xanım Mehriban Əliyeva işğaldan azad edilmiş Füzuli və Cəbrayıl şəhərlərində olublar.
    • {sape_links}{sape_article}