Məhkəmə-Hüquq Şurası arvadını qətlə yetirən hakimlə bağlı qərar verdi

 Məhkəmə-Hüquq Şurasının videokonfrans formatında iclası keçirilib. Qurumdan "Report"a verilən məlumata görə, iclasda Bakı şəhəri Sabunçu Rayon Məhkəməsinin hakimi Fəqan Əhmədov barədə cinayət təqibinin həyata keçirilməsinə razılıq verilməsinə dair Baş prokurorun təqdimatına baxılıb.
Baş prokurorun birinci müavini Elçin Məmmədov məlumat verib ki, Pərvanə Əhmədovanın qətli ilə bağlı Baş Prokurorluq tərəfindən başlanılmış cinayət işi üzrə toplanmış materiallara əsasən, onun əri, Bakı şəhəri Sabunçu Rayon Məhkəməsinin hakimi Fəqan Əhmədov şübhəli şəxs qismində tutulub və barəsində cinayət təqibinin həyata keçirilməsinə razılıq verilməsi üçün Şuraya müraciət edilib.
Hazırda cinayətin törədilmə səbəbi, şəraiti və iş üzrə digər mühüm hallar araşdırılır.
Məhkəmə-Hüquq Şurasının iclasında təqdimatın təmin edilməsi qərara alınıb.
Şəffaflıq.az

Xəbəri paylaş

Facebook-da paylaş


Bənzər xəbərlər
  • Bakıda məhkəmə hakimi arvadını qətlə yetirib
  • Məhkəmə sədri və üç hakim işdən çıxarıldı - Azərbaycanda
  • Şirvan Apellyasiya Məhkəməsinin hakimlərinə töhmət verilib
  • Birinci instansiya məhkəmələrinə hakimlər və sədrlər təyin edildi - SİYAHI
  • Korrupsiya faktına görə Sabirabad məhkəməsinin hakiminə töhmət verildi
    • {sape_links}{sape_article}