Bu gün İranda prezidentliyə namizədlərin qeydiyyatı başlayır
İranda prezident kürsüsünə namizədlərin qeydiyyatı mayın 11-də başlayacaq.
Şəffaflıq.az İRNA agentliyinə istinadən xəbər verir ki, namizədlərin siyahısına daxil olmaq üçün müraciətlər mayın 15-dək qəbul ediləcək.
Xatırladaq ki, İranda 13-cü prezident seçkisi iyunun 18-ə təyin edilib.
Prezident seçkisində iştirak etmək istəyənlərin yaşı 40-dan aşağı və 75-dən yuxarı ola bilməz.
Qanunlara görə, seçkidə iştirak etmək istəyənlər qeydiyyatdan keçdikdən sonra İran Konstitusiyasının Mühafizə Şurası (Konstitusiya Qəyyumları Şurası) tərəfindən təsdiqlənməlidir. Şura tərəfindən təsdiqlənən namizədlərin adları mayın 26-27-də açıqlanacaq.
Namizədlər bundan sonra, mayın 28-dən iyunun 16-a qədər seçkiqabağı təbliğat-təşviqat kampaniyası apara biləcəklər. İyunun 17-də və səsvermə günü, yəni iyunun 18-də təşviqat qadağan ediləcək.
Facebook-da paylaş
