"Uşaqlarla bağlı görüntü sosial şəbəkədə yayılan" Şamaxı rayon sakini Polis Şöbəsinə gətirilib. 10 sutka həbs
Uşaqlarını videoya çəkən Şamaxı rayon sakini Polis Şöbəsinə gətirilib.
Şəffaflıq.az xəbər verir ki, bunu DİN Mətbuat Xidmətinin rəisi Ehsan Zahidov azyaşlı uşaqları həyətyanı sahədə otlamağa məcbur edən və videoya çəkərək sosial şəbəkədə paylaşan şəxsdən danışarkən deyib.
E.Zahidov qeyd edib ki, əhalinin çaşqınlığına səbəb olan məlumatlar, videogörüntülər daim diqqət mərkəzindədir:
“Uşaqlarla bağlı görüntü sosial şəbəkədə yayılan kimi dərhal tədbirlər görüldü. Məlum oldu ki, bu adam Şamaxı rayon sakini İkram Xudiyevdir. Uşağın biri onun öz övladı, biri isə qohumunun uşağıdır. İ.Xudiyev dərhal polis şöbəsinə gətirilib, izahatı alınıb. İ.Xudiyev etiraf etdi ki, guya videonu zarafatla çəkib. Ancaq buna baxmayaraq, o, inzibati qaydada məhkəmənin qərarı ilə 10 sutka həbs edilib”.
Facebook-da paylaş
