Avstraliyanın Xarici İşlər Nazirliyinin əməkdaşları İranı tərk etmək istəyən Avstraliya vətəndaşlarına yardım etmək üçün İran-Azərbaycan sərhədindədirlər.

Şəffaflıq.az-ın məlumatına görə, bu barədə Avstraliyanın xarici işlər naziri Penni Vonq öz “X” hesabında yazıb.

"Avstraliya hökumətinin təşkil etdiyi aviareyslə 119 avstraliyalı və onların ailə üzvləri Təl-Əvivdən təhlükəsiz şəkildə çatdırılıb. İsraildən kommersiya reysləri bəzi məhdudiyyətlərlə bərpa edilib. Xarici İşlər Nazirliyinin əməkdaşları avstraliyalılara İranı tərk etməkdə kömək etmək üçün İran-Azərbaycan sərhədində qalırlar", - XİN başçısı qeyd edib.