ABŞ prezidenti Donald Tramp bir neçə gündür qanunsuz mühacirlərin kütləvi saxlanmasına qarşı etirazların davam etdiyi Los-Ancelesə Milli Qvardiyanın əlavə 2 min hərbçisinin göndərilməsi barədə göstəriş verib.

Şəffaflıq.az xəbər verir ki, bu barədə Kaliforniya qubernatoru Qevin Nyusom “X”də yazıb.

Qubernator əmindir ki, Tramp belə bir əmri ictimai təhlükəsizlik maraqları naminə vermir:

“Əvvəllər Los-Ancelesə göndərilmiş Milli Qvardiyanin 2 min hərbçisindən yalnız 300-ü iğtişaşlara qarşı fəal iştirak edir, qalanları isə federal agentliyin binalarında boş oturur”.