Tacikistanda Azərbaycan Mədəniyyəti Günləri keçirilir.

Şəffaflıq.az xəbər verir ki, Azərbaycanı təmsil edən nümayəndə heyəti artıq Tacikistan paytaxtına çatıb.

Mayın 22-dək davam edəcək tədbirlərdə Azərbaycanın mədəniyyət tarixini özündə əks etdirən zəngin proqram nümayiş olunacaq.

Proqramın açılış mərasimi ilə bağlı qala konsert mayın 20-də baş tutacaq.

Tədbirlər və konsert proqramları Düşənbə ilə yanaşı, Danqara şəhərində də olacaq.

Xatırladaq ki, Azərbaycanda Tacikistan Mədəniyyət Günləri ilk dəfə 2007-ci ildə, Tacikistanda isə Azərbaycan Mədəniyyəti Günləri 2008-ci ildə keçirilib.

Sonuncu dəfə 2024-cü ilin mayında Bakı və Gəncə şəhərlərində Tacikistan Mədəniyyəti Günləri təşkil olunub.