Gürcüstanın Baş naziri İrakli Kobaxidze Azərbaycan Prezidenti İlham Əliyevi ölkəni irəli aparan lider adlandırıb.

Şəffaflıq.az-ın müxbiri xəbər verir ki, bunu Gürcüstanın Baş naziri İrakli Kobaxidze yanvarın 17-də Bakıda Azərbaycan Prezidenti İlham Əliyev ilə mətbuata bəyanatlarla çıxışı zamanı deyib.

"Siz bizim üçün öz xalqının və dövlətinin maraqlarını qoruyaraq ölkəni irəli aparan lider nümunəsisiniz", - o qeyd edib.

İ.Kobaxidze həmçinin iki ölkə arasındakı qardaşlıq münasibətlərini qeyd edərək bu qardaşlığın strateji tərəfdaşlığa əsaslandığını bildirib:

"Əminik ki, bu qardaşlıq bundan sonra da inkişaf edəcək. Biz müttəfiqik və bir-birimizi qətiyyətlə dəstəkləyirik".

Siyasətçi Gürcüstanın baş naziri vəzifəsinə yenidən seçilməsi münasibətilə təbriklərinə görə Azərbaycan Prezidentinə təşəkkür edib.

Onun sözlərinə görə, Gürcüstanda hakim partiyanın qələbəsi regionda sülh və sabitliyi təmin edəcək.