İsrail Hərbi Hava Qüvvələrinin İordan çayının qərb sahilindəki Tulkarm şəhərinə vurduğu zərbə azı yeddi fələstinli radikalın zərərsizləşdirilməsi ilə nəticələnib.

Şəffaflıq.az xəbər verir ki, bu barədə İsrail ordusunun Mətbuat xidməti bildirib.

"İndiyə qədər bu hücum nəticəsində yeddi terrorçunun, o cümlədən HƏMAS və “İslami cihad” terror təşkilatlarının silahlılarının məhv edilməsini təsdiqləmək mümkün olub, onlar partlayıcı maddələrin hazırlanmasında və İsrail dövlətinə və İsrail Müdafiə Qüvvələri qüvvələrinə qarşı terror fəaliyyətlərində iştirak ediblər", - məlumatda deyilir.

Xatırladaq ki, 2023-cü il oktyabrın 7-də HƏMAS İsrailin nəzarətində olan ərazilərə hücum edib. Buna cavab olaraq İsrail ordusu Qəzzada hərbi əməliyyatlara başlayıb.