Belarus və Azərbaycan arasında əlaqələr qarşılıqlı faydalı əməkdaşlığın yeni sahələrini əhatə etməklə dinamik inkişaf etməkdə davam edir.

Şəffaflıq.az-ın Rusiya bürosunun məlumatına görə, bunu Belarus baş nazirinin müavini İqor Petrişenko deyib.

O bildirib ki, bu yaxınlarda azərbaycanlı həmkarı Əli Əhmədovun iştirakı ilə Hökumətlərarası Komissiyanın birgə iclası keçirilib. Görüş zamanı Belarus Prezidentinin Azərbaycana dövlət səfəri zamanı dövlət başçılarının verdiyi bütün tapşırıqlar ətraflı işlənib: “Bunlar toplanmış texnikaların həcmlərinin nomenklaturasının genişləndirilməsi və müvafiq xidmət mərkəzinin, gübrə istehsalı müəssisələrinin yaradılması, dərman vasitələrinin tədarükünün artırılması ilə bağlı məsələlərdir”.

“Bizim vəzifəmiz ondan ibarətdir ki, ölkələrimizin rəhbərlərinin verdiyi bütün göstərişləri keyfiyyətli şəkildə yerinə yetirək ki, noyabrda onlara hesabat verə bilək. Azərbaycandakı dostlarımız və sizin Belarusdakı dostlarınız qarşılıqlı fəaliyyətimizin çox ciddi irəliləyişini və nəticəsini hiss ediblər”, - o bildirib.