Cənubi Afrika Respublikasının cənub-qərbində Corc şəhərində tikilməkdə olan binanın uçması nəticəsində ölənlərin sayı 30-a çatıb.

“Report” TASS-a istinadən xəbər verir ki, bu barədə şəhər meriyası məlumat yayıb.

Məlumata görə, 22 nəfər itkin düşmüş hesab olunur, onların axtarışı davam etdirilir. Bununla yanaşı, 29 nəfər xilas edilib, onlardan 13-ü xəstəxanadadır.

Bundan əvvəl 24 nəfərin öldüyü bildirilirdi.

Tikintidə Mozambik və Malavidən olan miqrantlar işləyirmiş.

Xatırladaq ki, mayın 6-da şəhərin mərkəzi hissəsində tikilməkdə olan çoxmərtəbəli bina uçub.

Şəffaflıq.az