Vüsal Məmmədov: "Son 16 ildə ölkəmizin bütün uğurları cənab İlham Əliyevin apardığı parlaq siyasətin nəticəsidir"
Oktyabrın 15-i Dövlətimizin başçısı cənab İlham Əliyevin ilk dəfə prezident seçildiyi gündür.
Şəffaflıq.az bildirir ki,16 il öncə‚ 2003-cü ilin oktyabrın 15-də keçirilən ümumxalq səsverməsində böyük səs çoxluğu ilə prezident seçilən cənab İlham Əliyevin ölkəyə rəhbərlik etməsilə‚ xalqımız üçün yeni bir dövr başladı. Ulu Öndər Heydər Əliyevin siyasi dühasından yararlanmış və dahi şəxsiyyətin dövlətçilik məktəbindən dərs almış bir şəxsin ölkəyə rəhbər seçilməsi xalqımızın üzünə növbəti dəfə talenin gülməsiydi. 2003-cü ildə xalqımız bütünlüklə seçkiyə axışaraq‚ elə bütünlüklə də birmənalı olaraq İlham Əliyev dedi və uğurlu seçimini edərək öz parlaq və uğurlu gələcəyinə‚ işıqlı sabahına imza atdı. Hələ 2003-cü ildə böyük coşqu ilə İlham Əliyevi dəstəkləyən və seçkidə qalib edən xalqımız hələ o zaman bir daha göstərdi ki‚ xalqımız Heydər Əliyev siyasi dühasına sadiqdir və xalqımız Heydər Əliyev siyasəti ilə və onun layiqli davamçısı ilə addımlamaq istəyir. Beləcə 2003-cü ilin 15 oktyabrında öz parlaq seçimini edən Azərbaycan xalqı hələ bundan sonra çox uzun illər‚ hətta ölkəmizdə əbədi davam edəcək sabitliyə‚ təhlükəsizliyin uğurla təmin olunmasının qarantiyasına‚ əmin-amanlığına‚ Azərbaycanın yüksək və sürətli inkişafına‚ ölkəmizin güclənməsinə və yüksəlişinə səs verdi. Məhz elə həmin o gündən‚ 15 oktyabrdan başlayraq ölkəmizdə böyük yüksəlişin və sürətli inkişafın yeni dövrü başladı. Bu yeni dövrü‚ hazırda 16 ili əhatə edən növbəti dövri-mərhələni Azərbaycanın "Qızıl Dövr"ü adlandırmaq olar. Ölkəmizdəki sürətli inkişaf‚ Azərbaycana sürətli kapital axını‚ ölkəyə böyük investiyaların cəlb edilməsi‚ iqtisadiyyatın güclənməsi‚ bütün sektorlardakı yüksəlişin başlanması cənab İlham Əliyevin yüksək diplomatik bacarığının‚ zəngin dövlətçilik təcrübəsinin göstəricisidir. Son 16 ildə böyük neft və qaz strategiyalarının və irihəcmli enerji layihələrinin həyata keçirilməsi də cənab İlham Əliyevin uğurlu və praqmatik siyasətinin bəhrəsidir. Bu gün ölkəmizin bütün uğurları cənab İlham Əliyevin apardığı parlaq siyasətin təzahürüdür. Bu yolda Dövlətmizin başçısına uğurlar diləyirik.
Vüsal Məmmədov.
Facebook-da paylaş
