Soyuq fəsildə, binalarda istilik sistemi işə düşdüyündən bir çox insanların bədən və üz dərisi qurumağa başlayır. İnsanlar mağaza və apteklərdən quru dəriyə qarşı vasitələr axtarır.
Şəffaflıq.az medicina.az-a istinadən bildirir ki, dermatoloqlar bahalı kremlərə pul xərcləməkdənsə, gündəlik həyatınızda bir iki sadə qaydaya əməl etməklə dərinin qurumasının qarşısını ala biləcəyinizi tövsiyyə edir.
1.Duş qəbul edərkən müxtəlif kosmetik vasitələr, gellər, krem gel, köpüklənən vasitələrdən istifadə etməyin. Çox adam başını şampunla yuyub, həmin şampunu bədəninə axıdır.
Bu vasitələr dərini susuzlaşdırır, qurudur. Nəmin saxlanmasına imkan vermir, dərinin baryerini pozur.
Hər gün duş alırsızsa, adi təmiz su yetərlidir. Qatqısız uşaq sabunu ilə yalnız ayaq arası, qoltuqaltı və süd vəzi altı yuyulmalıdır. Qalan nahiyələrə sabun, gel vurmaq olmaz.
Əgər duş gelsiz çimə bilmirsizsə, yağlı tərkibli, orqanik və az köpüklənəni seçin
2.Ən yağlı kremi alırsız.
Kosmetik mağazada yağlılıq dərəcəsi çox olan kremi alıb hər duşdan sonra, eləcə də küçəyə çıxdıqda bədənə və açıq səthlərə çəkin.
Eləcə də dodaqlar üçün qoruyucu balzam çəkin.
3.Olduğunuz, işlədiyiniz, yatdığınız otaqda rütubətliliyi təmin edin. Xüsusi hava nəmləndiricilər alın və ya radiator yanına bir qabda su qoyun.