İsmayıllı rayonunda iki avtomobil toqquşub, sürücülərdən biri xəsarət alıb.

Şəffaflıq.az-ın məlumatına görə, hadisə avqustun 17-də şəhərin H.Əliyev prospektində qeydə alınıb.

Belə ki, Rusiya vətəndaşı Marta Pleşkanın idarə etdiyi “Honda” markalı avtomobillə İsmayıllı rayon sakini Rüstəm Rəsulovun idarə etdiyi “VAZ-21099” markalı avtomobil toqquşub. Nəticədə “VAZ”ın sürücüsü R.Rəsulov müxtəlif dərəcəli bədən xəsarətləri ilə İsmayıllı Rayon Mərkəzi Xəstəxanasına yerləşdirilib.

Faktla bağlı araşdırma aparılır.