İranda dəhşətli yol qəzasında 14 nəfər yanaraq həlak oldu
İranın Sistan və Bəlucistan əyalətinin İranşəhr şəhərində 14 nəfərin ölümü ilə nəticələnən dəhşətli yol-nəqliyyat hadisəsi baş verib.
“Azad İran” “Telegram” kanalı xəbər verir ki, hadisə “Peugeot” markalı iki minik avtomobilinin toqquşması nəticəsində meydana gəlib.
Məlumata görə, avtomobillər toqquşduqdan sonra alovlanmağa başlayıb və 14 nəfər yanaraq həlak olub.
Dünən gecə saatlarında baş verən qəzada ölən 14 nəfərdən 11-nin hadisə yerində, üçünün isə ağır yanıq xəsarətləri ilə xəstəxanaya yerləşdirildikdən sonra dünyasını dəyişdiyi bildirilib.
Qeyd edək ki, İran istehsalı avtomobillərin olduqca keyfiyyətsiz olması ölkədə hər il on minlərlə insanın ölümünə səbəb olur. Belə ki, İran istehsalı olan maşınlar hadisə zamanı ya parçalanır, ya da yanmağa başlayır ki, bu da minlərlə insanın ölümünə gətirib çıxarır.
Şəffaflıq.az
Facebook-da paylaş
