Günəşi belə görməmişdiniz: Ulduzun orbitindən inanılmaz görüntülər
Avropa Kosmik Agentliyi “Solar Orbiter” müşahidə peyki tərəfindən çəkilmiş videonu paylaşıb. Zond Günəşin səthini maksimum yaxın məsafədən çəkməyə müvəffəq olub.
Videonun əvvəlində tam ölçüdə görünən Günəşin tac qazı diqqət çəkir. Kamera müəyyən bir hissəyə yaxınlaşdıqda daha kiçik miqyaslı tac ilmələri görünür.
İkinci videoda Günəşin şimal qütbü göstərilir. Qurğu açıq maqnit sahəsi ilə qapalı güc xətlərini və qaranlıq sahələri “tutmağı” bacarıb.
Qeyd edək ki, “Solar Orbiter”in buraxılışı 2020-ci ildə baş tutub. AKA aparatı Günəşin məsafədən müşahidəsi və kosmik gəmi ətrafındakı vəziyyətin monitorinqi üçün on modulla təchiz edilib.
Şəffaflıq.az
Xəbəri paylaş
Facebook-da paylaş
