Peskov: Qazın rublla satışı Rusiyaya dost olmayan ölkələr üçün problem olacaq
"Qaz müqavilələrinin rublla ödənilməsi şərtləri Rusiya qazının alıcıları ilə əlaqə qurulduqca aydınlaşdırılacaq".
Şəffaflıq.az xəbər verir ki, bunu Rusiya Prezidentinin mətbuat katibi Dmitri Peskov jurnalistlərə bildirib.
"Dünən Rusiya Federasiyasının prezidenti hökumətə bir həftə ərzində mexanizmin işlənib hazırlanması və bu ödənişin rublla aparılmasına şərait yaradılması barədə tapşırıq verib. Qaz alıcıları ilə əlaqə qurulan kimi onlara rublla ödəniş şərtləri izah olunacaq. Bundan sonra onlar öz mövqelərini formalaşdıra biləcəklər”, - Peskov bildirib.
O, jurnalistlərin avropalı alıcıların rublla hesablaşma qərarını müqavilələrin pozulması kimi qəbul edib-etməyəcəyi sualına cavab olaraq: “Gəlin, o ana qədər gözləyək”, - deyə əlavə edib.
Peskov həmçinin bildirib ki, Moskva Serbiyanın qaz müqavilələrinin rus rublu ilə ödənilməsi ilə bağlı yaranmış problemləri həll etməyə çalışacaq, rubla keçid həqiqətən də Rusiya Federasiyasına dost olmayan ölkələr üçün problem yaradacaq.
“Serbiya prezidenti Aleksandr Vuçiç haqlıdır, bu, həqiqətən də problemli vəziyyət ola bilər”,- deyə Kremlin sözçüsü bildirib. Peskov “Bolqarıstanın bu halda Rusiyaya qarşı qeyri-dost, düşmən addımlar atdığına” diqqət çəkib. “Buna görə də o, istəsə də, istəməsə də, qazı rublla almalı olacaq”,- deyə Peskov bildirib.
"Ancaq eyni zamanda, bu, Serbiyaya aid deyil. Bu, həll edilməli olan problemdir və təbii ki, Serbiyanın narahatlığı bizim üçün birinci dərəcəli və prioritet olacaq",- Rusiya prezidentinin sözçüsü deyib.
Vuçiç daha əvvəl bildirib ki, Rusiyanın təbii qaz tədarükü üçün ödənişləri rublla qəbul etmək qərarı dünya üçün böyük problemə çevrilib.
Rusiya prezidenti Vladimir Putin çərşənbə günü bəyan edib ki, Rusiya təbii qaz tədarükünə görə güzəşt edilmiş valyutalarla, o cümlədən dollar və avro ilə ödənişləri qəbul etməkdən imtina edəcək. İxrac edilən qaza görə ödənişlər rublla qəbul olunacaq.
Onun sözlərinə görə, Rusiyanın qeyri-dost ölkələrlə qaz ödənişləri rubla çevrildikdən sonra xarici istehlakçılar lazımi əməliyyatları həyata keçirə bilməlidir.
Facebook-da paylaş
