Günün qoroskopu:Tərəfdaşla anlaşmaları yeniləmək üçün yeni şanslar yaranır.
Şəffaflıq.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.
Qoç - Çətin, mürəkkəb gündür. Problemlərin axını axşam saatlarına qədər davam edə bilər. Gözlənilməz dəyişikliklər və xəbərlər sürətlə bir-birini əvəzləyir. Ardıcıllıq yoxdur. Perspektiv istiqaməti seçin, irəliləyin və arxaya baxmayın.
Öz dalğanızı tutun.
Əsas layihə və ya işdə problemlər sərtləşə bilər. Axşam saatlarında sakit, rəvan istirahətə zaman ayırın. Pozitiv olun.
Buğa - Köhnəlmə, usanma, təmir, profilaktika ilə bağlı mövzular yaranır. Səhhətinizə fikir verin. Yaşananlara ciddi münasibət bəsləyin. Nəyəsə nəzarəti itirdiyinizi hiss etdiyiniz məkanda və ya məqamda iradları sərtləşdirməyin.
Yaşam arealını qaydaya salın. Sizi narahat edən məsələni təhlil edin. Yeni marağa yönlənmək imkanları var. Buna o qədər də harmonik olmayan şərtlər rəvac verir.
Bağışlamaq və ya bağışlanmağa ümid etmək zamanıdır. Emosiyalarınızda laübalar var. Bir mərhələni başa vurun, yenisinə qədəm qoyun.
Əkizlər - Önəmli gündür. Yaşanan olayları səhih dəyərləndirin. Alınan məlumatları təhlil edin, bundan sonrakı hərəkətlər üçün bazis formalaşdırın. Qayğılar xüsusi diqqət tələb edir.
Başqalarının maliyyə problemlərinin həllində onlara yardımçı olmağa çalışmayın. Bir problemi həll etməyə başlayanda başqa çətinlik yarana bilər. Alış-verişdə bədxərclik etməyin.
Günün ikinci yarısı güclü və parlaq təəssüratlar vəd edir. Vaxtınızı xəsisliklə planlaşdırın.
Sevdiyiniz insanla laqeyd davranmayın. Ciddi planları reallaşdırmaq üçün əlverişli zamandır.
Xərçəng - İmkan və potensialınızı olduğundan artıq dəyərləndirməyin. Situasiya təhlükəli hədd ərəfəsində olanda dayanın. Ambisiyalarınıza enerji qidası verməyin. Niyyətlərinizin reallaşdırılması üçün düşünülmüş ssenari yoxdursa, macəra aramayın.
Sizi nə isə geri çəkir, gerçəkləşməyən ümidlərlə arzulara yenidən baxmağa vadar edir. Pərişanlıq yaradan təcrübə, başqalarının problemi ilə məşğul olmaq zərurəti yarana bilər. Sakitləşin, emosional davranmayın.
Yaxşı istirahət əsəblərinizi sakitləşdirəcək.
Dostlarla görüş pozitiv emosiyalar vəd edir.
Şir - Müstəqil və təkbaşına çalışmağa can atmayın. Belə davranış peşəkar fəaliyyət müstəvisində problemlər yaratmaqla yanaşı, münasibətlərdə sərinləşməyə səbəb ola bilər. Emosiyaları çılğınlıqla izhar etməyin. Hisslərinizə hakim olun. Problemlərin yeni həll variantlarını arayın.
Yeni mövzu və ya imkan yaranarsa, baş verənlərə münasibət bildirin. Müşkülün həlli ilə bağlı fikirlərinizi açıqlayın. İşlə bağlı məsələlərdə heç nəyi öz axarına buraxmayın. İşdə problemlər varsa, şəxsi həyatla bağlı planlardan imtina edin.
Nəticələri təxminləyin, yardım arayın, özünüzü sığortalayın. Səhhətinizə fikir verin.
Qız - Ayın ən qarışıq və çətin günlərindən biri olsa da, yenilənmə və bəzi asılılıqlardan azadlıq vəd edən zamandır. Keçilən mərhələ, münasibətlərdə və işdə yeni səviyyəyə keçid zərurəti ilə bağlı hiss yarana bilər.
Situasiyanı dürüst qiymətləndirməyə emosiyalar mane olmasın. Sərt qərarlar və addımlar nəticəsində münaqişəyə rəvac verməyin. İşlərdəki və münasibətlərdəki mövcud durumdan narazılıq gerçəkdən də önəmli işlər üçün əhəmiyyətli maneədir.
Heç nəyi dramatikləşdirməyin. Cari prosesləri nəzarətdə saxlamağa çalışın.
Tərəzi - Yaşamınızda əvvəlki qaydada qalması mümkünsüz olan nəsnələr və məqamlar enerji israfı tələb edir. Daha ciddi və perspektivli iş görmək üçün nə iləsə vidalaşmalısınız. Çətindir, amma gərəkdir. Sizi həyəcanlandıran dəyişikliklərə praktik baxın. Maliyyə məsələlərində xüsusilə diqqətli olun.
Maliyyə əməliyyatlarını ya təxirə salın, ya da inandığınız insana üz tutun.
Önəm verdiyiniz şəxslə münasibətlərdə böhran yarana bilər. Əməkdaşlığını dəyərləndirdiyiniz insana iradları minimuma endirin. Peşəkar fəaliyyəti şəxsi həyatdan ayırın.
Axşam saatlarında yaxşı istirahət edin.
Əqrəb - Bir qədər durun, ətrafınıza baxın. Yeni orientirlər seçə biləcəyiniz zamandır. Sizi qəfil informasiya və ya tamamilə yeni mövzuda, hadisədə iştirak zərurəti gözləyir.
Daxili gərginlik, iddiaların səviyyəsini aşağı salmağa can atın.
Günün hadisələri sınaq səciyyəli ola bilər. Bunun sayəsində diqqət mərkəzinizdə olan nəsnələrin əsl dəyərini öyrənəcəksiniz. Tələbat olmadan yeniliyə can atmayın.
Səhhətinizə fikir verin. Axşam saatlarında gəzintiyə çıxın.
Oxatan - Maliyyə əməliyyatları, hesaba pul yatırmaq, pul köçürmək və ya nə isə almaq məsləhət deyil. İmkan düşən kimi borcu qaytarın, münaqişələrdə barışıq mövqeyi tutun. Ziddiyyətlər düyününü sürətlə çözməyə çalışmayın.
Günün hadisələrini təxminləmək, onlara nəzarət etmək mümkün deyil.
Yeni ideyalar və stimullar yaranacaq. Konkret planlar qurmayın, hadisələri inkişaf etdirmək istədiyiniz məkanda olun.
Axşam saatlarında evlə məşğul olun, gərginlikdən qurtulun.
Oğlaq - Hansısa hadisə və ya münaqişə ənənəvi davranışı dəyişə bilər. Rəqabət, hakimiyyət uğrunda mübarizə və dominion olmaq istəkləri güclənir. Gərginlik hiss olunan məqamda təşəxxüslü davranmayın. Yeni işə və ya layihəyə başlasanız, ətrafınızdakı insanların yaratdıqları problemlərlə qarşılaşa bilərsiniz. Çətinliklərin ilkin təzahürləri görünən kimi problemləri həll etməyə, situasiyada harmoniya yaratmağa çalışın.
Hazırlıq işlərinə başlayın. Planlara yenidən baxmaq, onlar arasında ən əlverişlisini saxlamaq olar.
Dolça - Sizin üçün mühüm mövzularda proseslərin intensivliyi artır. Mühüm vəziyyətin məzmunu ilə yanaşı, həmin prosesə münasibətiniz də dəyişə bilər. Özünüzü və yaxın ətrafınızdakı insanları önəmli məsələnin həllinə yönəltmək üçün qətiyyətli olmalısınız. Hadisələrin qəflətən dəyişməsinə, emosiyalar burulğanına hazır olun.
Hisslər və münasibətlər üçün mürəkkəb gündür. Münaqişə, qarşıdurma, baha başa gələcək etiraflar, süjetin arzuolunmaz inkişafı istisna deyil. Maliyyə əməliyyatları, alış-veriş istisna deyil.
İnformasiya ilə iş, mütaliə, yazışma, internetdə ünsiyyət əhvalınızı yaxşılaşdıracaq.
Balıqlar - Yığılmış gərginlik çıxış yolunu tapmalıdır. Yaxın ətrafınızdakı insanların davranışlarındakı ənənəvi, amma xoşagəlməz məqamlara sərt reaksiya verməyin.
Səbr kasanız daşmasın. Münaqişəli situasiyalarda aqressiv olmayın, tez barışın. Açıq qarşılıqlı münasibətlərin öz üstünlükləri var. Tərəfdaşla anlaşmaları yeniləmək üçün yeni şanslar yaranır.
Hadisələrə süni təkan verməyin. Şəraitə nəzər salın, situasiyanı təhlil edin. Güzəştə getmyə hazır olun.
Axşam saatları stressdən qurtulun.Milli.Az
Facebook-da paylaş
