Ramazan ayı nəhayət ki, gəlib çatdı. Qarşıda bizi ruhani və fəzilətli günlər gözləyir. Bu ay həm ruhumuzu və həm də cismimizi pak edən aydır.
Ola bilsin ki, bir çoxları bu ayın ancaq mənəvi tərəfinə diqqət edirlər. Lakin Ramazan ayı insan cismi üçün də çox faydalı bir aydır.
Şəffaflıq.az deyerler.org-a istinadən bildirir ki, oruc tutmaq dedikdə bir gün yeməkdən və içməkdən tam qalmaq deməkdir. Bədən öz ehtiyatlarının sayəsində həmin gününü başa vurar. Bəzi dinlərdə də oruc vardır. Lakin bu dinlərdə sadəcə yeməkdən çəkinirlər, ancaq su içirlər. Bəzi dinlərdə isə oruc tutan sadəcə yeməyinin miqdarını azaldır və onu tamamilə kəsmir. Bu zaman qəbul etdiyi qidanın kaliorisi az olmalıdır. Ancaq İslam dinində oruc tutan müsəlman səhərdən axşama qədər nə yemək yeyir və nə də maye içir.
İnsan yemək və içməkdən qalan kimi bədənin maddələr mübadiləsi işə düşür və bədən öz ehtiyatlarının sorağına getməli olur. İnsan oruc tutan zaman beynin qlükozaya ehtiyacı olur və ona görə də əzələlərdə yığılan piy qatları əriməyə başlayır. Bu yağ turşularından qlükoza əldə olunur. İnsan uzun müddət ac qalanda isə bədəndəki protein ehtiyatlarından istifadə olunur və amin turşusuna və sonra da qlükozaya çevrilir. Əgər oruc tutan insan qidalanmasına diqqət etməsə, şəkər tərkibinə malik olmayan protein və yağ turşularından alınan bu sintez bədən üçün təhlükəli ola bilər.
Oruc tutmaq bizə Allah tərəfindən əmr olunmuşdur. Bu, elə bir fəzilətli ibadətdir ki, ruhun təmizlənməsinə səbəb olur. Hindistanın məşhur siyasətçisi və filosofu olan Mahatma Qandi nəfsini paklamaq üçün oruc tutardı. Böyük filosoflar olan Sokrat və Platon beynin təfəkkür qüdrətini artırmaq üçün oruc tutardılar. Həkimlərin də nəzərinə görə oruc tutmaq bir çox təhlükəli xəstəliklərin çarəsidir. Belə ki, diabet xəstələri üçün çox faydalı nəticələr verir.
Bəzi mütəxəssislər məsləhət görürlər ki, insan öz bədənini Ramazan ayı gəlməmişdən əvvəl ona hazırlamalıdır. Yeməyini və içməyini azaltmalıdır ki, bədən bu rejimə uyğunlaşsın.
Oruc bədəni toksinlərdən təmizləməklə yanaşı hüceyrələrin qocalmasının da qarşısını alır. Oruc insanın qan təzyiqini normaya salır və astma, diabet xəstələri üçün çox faydalı təsirlər qoyur.
Mütəxəssislərin nəzərinə görə, oruc insan bədənində olan yağları, şəkər və insulinin miqdarını kontrol edə bilir. Xərçəng xəstələri üzərində aparılan tədqiqatlar göstərmişdir ki, oruc bu xəstələrin hüceyrlərində ciddi dəyişikliklər etmişdir.
Oruc insanın həm ruhu və həm də cismi üçün faydalı olan bir ibadətdir. Lakin oruc tutan insan isti yay günlərində uzun zaman ac və susuz qaldığına görə həm iftar yeməklərinə və həm də obaşdan yeməklərinə xüsusi diqqət etməlidir ki, bədənini təhlükəyə salmasın. Su ehtiyatını və protein ehtiyatını mütləq təmin etməlidir ki, bir ayı rahat şəkildə orucunu tuta bilsin. Xüsusilə də Ramazan ayının üçüncü həftəsində bədən ehtiyatlarını əritdiyi üçün insan qidasına xüsusi diqqət etməlidir. Meyvə və tərəvəzi də unutmamalıdır.

Şəffaflıq.az