Almaniya Belarus müxalifətinə 21 milyon avro ayırır
Almaniya Belarus müxalifətinin dəstəklənməsi üçün 21 milyon avro pul ayıracaq.
Şəffaflıq.az xarici agentliklərə istinadən xəbər verir ki, bu barədə “Belarusla həmrəylik” adı altında onlayn-konfransda çıxış edən Almaniya xarici işlər naziri Hayko Maas məlumat yayıb.
Onun sözlərinə görə, Almaniya hakimiyyəti Aleksandr Lukaşenko əleyhdarlarının dəstəklənməsi üçün fəaliyyət planı belə qəbul edib. Burada müxalif şəxslərə sığınacaq verilməsi, onlara tələbə bursları ayrılması, müstəqil mətbuata maddi yardım göstərilməsi və s. daxildir.
“Əmin olun ki, Almaniya və Avropa Birliyi sizin arxanızdadır. Biz Lukaşenko və onun rejiminə sanksiyalar tətbiq etmişik. Bunu üçün “Belarus vətəndaş cəmiyyəti” adı altında fəaliyyət planı hazırlayaraq, 21 milyon avro pul ayırmışıq. Biz insan hüquqlarını kütləvi şəkldə pozan şəxləsər qarşı mexanizm quracayıq. Bir gün onlar etdiklərinə məsuliyyətə cəlb olunaqlar. Belarus xalqının demokratiya, azadlıq və qanunun aliliyini hökm sürdüyü ölkədə yaşayacağı gün gələcək”,-deyə nazir belaruslu müxalifətçilərə səslənib.
Facebook-da paylaş
