“Azəriqaz” hava şəraiti ilə əlaqədar gücləndirilmiş iş rejiminə keçəcək
Qurumdan verilən məlumatda bildirilir ki, Bakıda və Abşeron yarımadasında yanvarın 19-u axşamdan başlayaraq 21-i axşamadək hava şəraitinin dəyişəcəyi, arabir yağıntılı olacağı, bəzi yerlərdə yağışın sulu qara və qara keçəcəyi gözlənilir. Bunu nəzərə alaraq “Azəriqaz” İstehsalat Birliyi qeyd edilən günlərdə gücləndirilmiş iş rejimində çalışacaq.
Birliyin bütün müvafiq strukturlarına baş direktor Ruslan Əliyev tərəfindən artıq lazımi tapşırıqlar verilib. Əsasən təbii qazın tələbata uyğun düzgün rejimlərdə paylanılması diqqətdə saxlanılacaq.
Bildiririk ki, qaz təchizatında vacib təmir prosesləri də bu günlərdə təxirə salınıb. Yalnız qəza halları baş verdiyi zaman abonentlərin qazsız qalmaması üçün qısamüddətli dayandırmalar istisna edilmir. “Azəriqaz” İstehsalat Birliyinin Təmir-Tikinti İdarəsinin Qəza təmir bərpa sahəsi, “104 Çağrı” sahəsinin əməkdaşları sutkanın 24 saatı ərzində abonentlərin xidmətində olacaq. Bakı şəhəri və ətraf ərazilərdə baş verəcək qəzalar, qaz sızmaları, qaz sayğacları ilə bağlı nasazlıqlar operativ şəkildə aradan qaldırılacaq.
Abonentlərin nəzərinə çatdırılıb ki, qaz təchizatında yarana biləcək istənilən çətinliklərlə bağlı dərhal 104/185 saylı Çağrı Mərkəzinə məlumat versinlər.
Bundan başqa (+994 77) 3 104 104 saylı daim aktiv rejimdə çalışan “Whatsapp” nömrəsinə, sosial şəbəkə ünvanlarımıza mesajlarını göndərə bilərlər.
Şəffaflıq.az
Facebook-da paylaş
