Azərbaycanda tanınmış rəssam vəfat etdi
Azərbaycan Dövlət Rəssamlıq Akademiyasının və Əzim Əzimzadə adına Rəssamlıq Kollecinin müəllimi, tanınmış rəssam Vaqif Ucatay vəfat edib.
Şəffaflıq.az "Report"-a istinadən bildirir ki, V.Ucatay ötən gün 65 yaşında dünyasını dəyişib.
Qeyd edək ki, Vaqif Ucatay 22 iyun 1955-ci ildə Şabran (o zamankı Dəvəçi -red) rayonunun Təkyə kəndində anadan olub.
O, 1993-cü ildən vəfat edənə qədər Əzim Əzimzadə adına Rəssamlıq Kollecində və Azərbaycan Dövlət Rəssamlıq Akademiyasında pedaqoji fəaliyyətlə məşğul olub.
Vaqif Ucatay əsərlərində milli ənənələri yaşadan rəssam olub. 2009-cu ildə azərbaycanlıların ermənilər tərəfindən soyqırımına həsr edilmiş 33 rəsmdən ibarət fərdi sərgisi keçirilib.
Allah rəhmət eləsin!
Facebook-da paylaş
