ABŞ dövlət katibi gələn həftə İsrailə və BƏƏ-yə gedəcək
ABŞ dövlət katibi Maykl Pompeo avqustun 24-də İsrailə, ertəsi gün Birləşmiş Ərəb Əmirliklərinə (BƏƏ) gedəcək.
Şəffaflıq.az "TASS"a istinadən xəbər verir ki, bu barədə Reuters məlumat yayıb.
Bildirilir ki, Qüdsdəki danışıqların əsas mövzusu İsraillə BƏƏ arasında münasibətlərin normallaşdırılması olacaq.
Bundan əlavə, tərəflər İran və Çini müzakirə edəcəklər.
Avqustun 13-də ABŞ prezidenti Donald Tramp, İsrailin Baş Naziri Benyamin Netanyahu və Birləşmiş Ərəb Əmirliklərinin (BƏƏ) vəliəhd şahzadəsi Şeyx Məhəmməd Bin Zayidin İsrail ilə BƏƏ arasında diplomatik əlaqələrin qurulması barədə aparılan danışıqlar müsbət yekunlaşıb. Danışıqların sonunda iki ölkə arasında diplomatik əlaqələrin qurulması barədə razılıq əldə edilib. İsrailin Baş Naziri Beynyamin Netanyahu tərəflər arasında razılığın əldə edilməsini tarixi məqam adlandırıb.
Facebook-da paylaş
