Türkiyənin İstanbul şəhərinin Maltəpə rayonunda yeddimərtəbəli yaşayış binasının çökməsi nəticəsində ölənlərin sayı 5-ə yüksəlib.

Şəffaflıq.az xəbər verir ki, bu barədə NTV məlumat yayıb.

Qeyd olunub ki, dağıntılar altından daha 3 nəfərin meyiti çıxarılıb. Bununla da, axtarış-xilasetmə işləri başa çatıb.

Xatırladaq ki, dünən səhər saatlarında Türkiyənin İstanbul şəhərinin Maltəpə rayonunda yeddimərtəbəli yaşayış binası çöküb.

Hadisə ilə əlaqədar binanın memarı və tikinti üzrə məsul şəxs saxlanılıb.