İspaniya La Liqasında 31-ci turun görüşləri oynanılır.

Şəffaflıq.az xəbər verir ki, turun maraqlı qarşılaşmalarından biri Valensiyada baş tutub. Burada eyniadlı klub "Sevilya"nı qəbul edib.

Matçın taleyini 1 qol həll edib. Meydan sahibləri ilk hissənin son saniyələrində qonaqları məyus etməyi bacararaq oyunda sevinən tərəf olublar - 1:0.

Bu qələbə sayəsində "Valensiya" (37 xal) yarış cədvəlində "Sevilya"dan (36 xal) önə keçib. Komandalar müvafiq olaraq 12 və 13-cü yerləri tuturlar.