Ispaniya təmsilçisi "Real" (Madrid) La Liqa tarixində 5000 xal toplayan ilk komanda olub.

Şəffaflıq.az xəbər verir ki, "Kral Klubu" ölkə çempionatının XVII turundan təxirə salınmış oyunda "Valensiya"ya qalib gələrək (2:1) bu uğura imza atıb.

Paytaxt klubu 5000 xalı 94 mövsüm ərzində əldə edib. Komanda ümumilikdə 1833 qələbə qazanıb, 6526 qol vurub.

Qeyd edək ki, “Barselona” (4887) və “Atletiko” (Madrid) (4018) “Real”ın ən yaxın izləyiciləridir.