Şəffaflıq.az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir.

Qoç - xırdalıqlara və təfərrüatlara fikir verin. İşlərin gedişatı bəzən detallardan asılı olur. Yaşamın ən müxtəlif sahələrində dəyişikliklərlə islahatlara kiçik addımlardan başlayın. Mənasız, zərurətsiz riskə getməyin, narahat olmayın. Kiçik məbləğdə gəlir, köhnə borcun qaytarılması istisna deyil.

Günün ikinci yarısında emosional fon stabildir. Hansısa iş plan üzrə getməzsə, təlaşa düşməyin. Sakit, təmkinli olun. Kəskin reaksiyanı soyuqqanlı davranışla əvəzləyin.

Bədxahların sevinmələrinə imkan verməyin.

Buğa - yeni işlərə başlamaq üçün əlverişli zamandır. Həmin işlərin yorucu və usandırıcı olmamasına çalışın. Tək işləməyin. İlkin mərhələdə tərəfdaş və müttəfiqlərin yardımlarına xüsusi ehtiyac var. Az sonra müstəqil fəaliyyət göstərə bilərsiniz.

Günün ikinci yarısında problemlərə və xoşagəlməz situasiyaya normal yanaşın. Yaxınlarınızın düşünülməmiş hərəkətləri və kəskin iradlarına sərt reaksiya verməyin.

Axşam saatlarını ailəvi istirahətə həsr edin.

Əkizlər - maraqlı, uğurlu və irəliləyiş vəd edən gündür. İşgüzar görüşlər və nüfuzlu insanlarla ünsiyyət üçün əlverişli zamandır. Karyeranızın inkişafı, maaşınızın artırılması ilə bağlı məsələləri müzakirə edin. Yeni işə yalnız müstəqil çalışaraq onu başa vuracağınıza əmin olandan sonra başlayın. Əvvəllər tərəfinizdə olan insanların qayğıları artdığından onlar öz işlərini görməyə can atırlar.

Günün ikinci yarısında maraqlı görüşlər istisna deyil. Yeni tanışlarınızda özünüzlə bağlı rəğbət hissi yaradın. Amma təriflərə inanmayın.

Maliyyə məsələlərinin həlli və alış-veriş üçün əlverişli gündür.

Xərçəng - bir neçə çətin, ağır, mürəkkəb işin öhdəsindən gəlməli olacaqsınız. Yardım göstərən, kömək edən olmadığı üçün müstəqil çalışın. Müttəfiqlərlə tərəfdaşlar bu gün, sadəcə, mənəvi dəstək verəcəklər. Planlaşdırılmamış xərclər, əhəmiyyətli maliyyə itkiləri istisna deyil. Alış-verişdə çox pul xərcləməyin.

Yaxınlarınıza qayğı göstərmək istəyəndə həddi aşmayın. İstənilən münaqişə zamanı tezliklə barışmağa çalışın. Əks təqdirdə anlaşılmazlıq xoşagəlməz qarşıdurmaya çevrilə bilər.

Şir - qarşınıza qoyduğunuz məqsədə çatmaq üçün xeyli səy göstərməli olacaqsınız. Yorulacaq, usanacaqsınız. İlk baxışdan istəyiniz irreal, məqsədiniz illüzor deyil. Amma ən kiçik müsbət nəticələrə nail olmaq vaxt və səylər tələb edir. Çoxdankı münaqişələr sərtləşir, mübahisələr qızışır. Az qala unudulan sözlər yada düşür və sizi ruhdan salır.

Hisslərinizi və problemlərinizi yaxınlarınıza anlatmağa çalışsanız da, bir nəticə hasil olmayacaq. Dəstək almaq əvəzinə heç bir əsası olmayan tənqidlər, iradlar eşidəcəksiniz. Özünüzü qoruyun, bədbinliyə qapılmayın.

Axşam saatlarını şən keçirməyə çalışın.

Qız - maliyyə məsələlərinin həlli, hesabatların hazırlanması və sənədləşdirmə üçün əlverişli gün deyil. Olduqca sərvaxt, diqqətli olun. Fiziki iş görərkən hərəkətlərinizi avtomatizm səviyyəsinə çatdırın. Yaxınlarınızla dil tapmaq asan deyil.

Onlar sizə qarşı iddia və iradlarla çıxış edir, tələblərinin dərhal icra olunmasını istəyirlər. Münaqişəyə səbəbkar olmayın. Dedikləriniz məntiqli olsa da, sözlərinizə qulaq asan azdır.

Tərəzi - qətiyyətli, inadkar, iradəli olun. Uzun müddətdən bəri yolunuzu kəsən və irəliləyişinizə imkan verməyən maneəni dəf edin, sədləri keçin. Gözlənilməz, amma çox maraqlı təklif ala bilərsiniz. Həmin təklifin müəllifi əmədaşlıq etmək istədiyiniz insandır. Bir müddət düşünüb-daşınandan sonra təklifi qəbul edin. Peşman olmayacaqsınız.

Yaşam potensialının səviyyəsi aşağıdır. Özünüzü qoruyun. Kəsici və iti alətlərdə ehtiyatla davranın.

Axşam saatlarında normal istirahət edin.

Əqrəb - diqqət tələb edən işlərlə maraqlanın. Mühüm olmayan, mənasız işlərə başlamayın. Belə taktika sizə zərər verə bilər. Həllini tələb edən problemin çözülməsinə başlayın.

Dostlar, yaxınlar və qohumlardan yaxşı məsləhətlər alacaqsınız. Yaxşı heç nə gözləmədiyiniz insan sizi təəccübləndirəcək. Səhhətinizin qeydinə qalın.

Axşam saatlarında aktiv istirahətə üstünlük verin.

Oxatan - qısamüddətli, amma sizin üçün çox əhəmiyyətli işə və ya layihəyə başlamaq üçün əlverişli zamandır. Qısa zamanda kiçik də olsa, nəticə əldə etməyə çalışın. Uzunmüddətli planların reallaşdırılmasını düşünürsünüzsə, etibarlı yardımçılar və nüfuzlu hami olmadan işə başlamayın.

Ünsiyyət üçün çətin gündür. Yaxınlarınızdan gözlədiyiniz dəstəyi almayacaqsınız. Ağır fiziki iş məsləhət deyil. Avantüra və ya riskə qapılmayın.

Oğlaq - bu gün risk etməyə dəyməz. Eksperimentləri təxirə salın, sınanmış metodlardan istifadə edin. Bu gün sayı artacaq təxribatlara uymayın. Bədxahlarınızla düşmənləriniz sizi aldatmağa, etibarınızdan sui-istifadə etməyə çalışırlar. Belələrinin şirin dillərinin felinə düşməyin. Həqiqəti yalandan ayırmağı bacarın.

Günün ikinci yarısı müstəqil fəaliyyət və uzunmüddətli planların hazırlanması üçün əlverişlidir. Axşam saatlarını yaxınlarınızla birlikdə keçirin, tək qalmayın.
 

Dolça - səhər saatlarından etibarən aktiv işləməyə başlayın. Diqqətinizi ikinci dərəcəli işlərə yayınmasın. Yeni məlumat planlara dəyişiklikləri qaçılmaz edir. Maliyyə məsələlərində sayıq olun. Alış-veriş və əyləncə zamanı deyil.

Xarici dil öyrənmək və ya peşə bacarıqlarını artırmaq üçün əlverişli zamandır.

Ailədə münaqişəyə, emosional qarşıdurmaya imkan verməyin. Münasibətlər sınaqdan keçir. Yol verdiyiniz səhvləri təhlil edin, onları təkrarlamamağa can atın.

Balıqlar - bütün diqqəti işə yönəltsəniz, ciddi uğurlara nail ola bilərsiniz. Ən çətin problemlərin öhdəsindən gələcəksiniz. Yardım və dəstəyə ehtiyacınız yoxdur. Yaxşı məsləhətlərlə ideyalar isə əksinə, gərəkdir. Yaxın ətrafınızdakı insanların sözlərinə qulaq asın.

Gəlirlər istisna deyil.

Sevdiyiniz insanla münasibətlərinizdə çətinliklər yarana bilər. Sizə elə gəlir ki, həmin adam, sanki, qəsdən səbrinizi yoxlayır, sizi təbdən çıxarmağa çalışır.

Fəqət, baş verənlərə təmkinli və soyuqqanlı yanaşsanız, yaşananların ciddi nəsnələr olmadığını anlayacaqsınız.

Axşam saatlarında səhhətinizdə problemlər yarana bilər. Özünüzü qoruyun.