Bu ilin iyun ayında Azərbaycan sabit genişzolaqlı internetin orta sürətinə görə 159 ölkə arasında əvvəlki aya nisbətən 5 pillə irəliləyərək 39,87 MB/S sürətlə 113-cü yerdə qərarlaşıb.

Şəffaflıq.az “Speedtest Global Index”ə istinadən xəbər verir ki, bu, bir il əvvəlki göstərici (29,47 MB/S) ilə müqayisədə 35,3 % artım deməkdir.

Sabit genişzolaqlı internetin sürətinə görə ötən ay birinci yeri Sinqapur (285,02 MB/S), axırıncı yeri isə Kuba (2,79 MB/S) tutub.

Azərbaycan mobil internetin sürətinə görə may ayına nisbətən iyunda 10 pillə irəliləyərək 52,63 MB/S sürətlə 108 ölkə arasında 49-cu olub.

Mobil internetin sürətinə görə birinci yeri Qətər (334,63 MB/S), sonuncu yeri isə Kuba (4,02 MB/S) tutub.

Hesabat ayında Bakı şəhəri sabit genişzolaqlı internetin sürətinə görə əvvəlki aya nisbətən 2 pillə irəliləyərək 202 şəhər arasında 41,17 MB/S sürətlə 135-ci yerdə qərarlaşıb.

Şəhərlərin sabit genişzolaqlı internet üzrə reytinqinə Əbu-Dabi (310,49 MB/S) başçılıq edib. Sonuncu pillədə Hələb (1,87 MB/S) qərarlaşıb.

Azərbaycan paytaxtı iyunda mobil internetin sürətinə görə 63,92 MB/S sürətlə əvvəlki aya nisbətən 6 pillə irəliləyərək 161 şəhər arasında 70-ci yerdə qərarlaşıb.

Şəhərlər arasında mobil internetin sürətinə görə birinci yeri Ər-Rayyan (419,35 MB/S), sonuncu yeri Havana (4,47 MB/S) tutub.