Şəffaflıq.az  dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - çoxlu güc, səy və diqqət tələb edən işlər üçün əlverişli gündür. Qəfil marağın yaratdığı vəziyyətdə yeni məqsədə can atmaq istəyəcəksiniz.

Başqa planlarınız varsa, işinizi başqasına həvalə etməyə can atmayın. Kollektivin marağını və işdəki prosesi ön plana çəkin.

Təklif və dəvət ala bilərsiniz. Xüsusi diqqət və dəqiqlik tələb edən işi günün ikinci yarısına saxlayın.

Axşam saatlarına yaxın daha çox fiziki işlə məşğul olun, idman edin, piyada gəzin.
Görüş, tanışlıq, müzakirələr üçün yaxşı vaxtdır.

Yorğunluq səbəbindən ailədə münaqişəyə səbəb olmayın.

Buğa - müəyyən planda uğurlu irəliləyiş ola bilər. Taleyüklü dəyişikliklərin ərəfəsidir. Stereotiplərdən, köhnəlmiş ehkamlardan qurtulun.

Şərtlərin təsiri ilə planların dəyişdirilməsinə ehtiyac yarana bilər. Fərdi təşəbbüsdən asılı olmayaraq karyeranıza və ya perspektivlərinizə təsir edə biləcək hadisələrin yaşanması istisna deyil.

Maraqlı xəbər, cazibədar təklif gələ bilər.
Ünsiyyət dairəsini elə seçin ki, özünüzü rahat hiss edəsiniz, gərgin anlar yaşamayasınız.

Əkizlər - emosiyalara uyaraq tələsik qərarlar qəbul etməyin, düşünülməmiş addımlar atmayın. Qərarlardan biri doğru ola bilər, amma belə şansa aldanmayın.

Emosional və gərgin durumda vəd verməyin, əks təqdirdə sözün üstündə durmaq asan olmayacaq.

Özünüzə həddən ziyadə əmin olmayın. Sərfəli şansı əldən verməyin, situasiyadan yararlanın. Yenilik və dəyişikliklərdəki faydanı başqalarından tez görməyə çalışın. Yeni imkanları dəyərləndirin.

Axşam saatları romantik hisslər üçün sərfəlidir.

Xərçəng - həyatınızda önəmli hadisə baş verir. Aktiv olun, yeni ideyaları saf-çürük edərək konkret addımlar atın.

Dərhal hansısa məkana yollanmaq və mühüm söhbət etməklə bağlı intuisiyanız sizə xəbərdarlıq edirsə, planları dəyişin.
Yazışmalarda ləng olmayın.

Daxili gərginlikdən qurtulmaq, hansısa məsələdə müəyyənliyə nail olmaq imkanları var. Sizi narahat edən suala cavab alacaqsınız.

Bəzi məqamlar kökündən dəyişəcək. Bütün imkan və əlaqələrdən yararlanaraq irəliləyin.
Şəxsi münasibətlər müstəvisində xoş sözlərə simiclik etməyin.

Şir - enerjili, aktiv olun. Qüvvənizi sərf etməyə istiqamət və məqsəd tapın. Cari işləri başa vurun, tənbəllik etməyin yarımçıq iş saxlamayın.

Xoşagəlməz situasiyaya səbəb olmayın. Mübahisə etməyin, haqlı olduğunuzu hamıya sübut etmək fikrinə düşməyin. Fiziki iş üçün məhdudiyyət yoxdur.

Gördüyünüz işdən həzz almağı bacarın. Axşam saatlarında dincəlin.
Dostlarla ünsiyyət və ya görüşü təxirə salın.

Qız - borcları qaytarın, öhdəlikləri yerinə yetirin. Yaranmış şəraitdən istifadə edin, planları reallaşdırın. Həyata keçirmək istədiyiniz məqamlar üçün əlverişli zamandır.

Yaşananlar təsadüf deyil. Yaşanacaq olayları əvvəlcədən təxminləməyə çalışmayın. Bəzi məsələlər səthidir.
Daxili gərginlik və iddia səviyyəsini aşağı salın.

Səhhətinizə fikir verin. Ailə qayğıları və ev işləri ilə də məşğul olun.

Tərəzi - yeniliklər və dəyişikliklərdə dəqiq istiqaməti, dürüst qərarı tapın. Emosional olmayın, mənasız mübahisə və söhbətlərə qatılmayın.

İşdə kollektivin maraqlarına qarşı çıxmayın. Hansısa istiqamətdə və ya sahədə problem yarananda inad etməyin, dayanın, nəfəs dərin, situasiyanı araşdırın.

Yeni şanslar və imkanlar yaranacaq, amma çətinliklər də olacaq. Detallara və təfərrüatlara fikir verin, eyni vaxtda bir neçə mövzunu nəzarətdə saxlayın.

Gərəksiz illüziyalarla vidalaşmaq üçün yaxşı gündür. Real məsələ ilə məşğul olun. Aktiv fəaliyyətə hazırlaşın.

Axşam saatlarında yaxşı istirahət edin.

Əqrəb - gərgin, ağır və olaylarla zəngin gündür. Aktiv olun, hadisələrin axarında qəfil dönüşə hazır olun.

Motivasiyasız hərəkətlər böyük dəyişikliyə səbəb olacaq. Aramla irəliləyin, yaxın ətrafınızdakı insanların təzyiqlərinə uymayın. Belədə önəmli məsələdə müəyyənliyə nail olacaqsınız.
Aktiv müdaxilə etmədən ətrafınızı seyr edin, qulaq asın.

Cari situasiya pozitiv nəticə ilə heyrətləndirə bilər. Əvvəllər inkişaf etdirilməsi üçün resurs qıtlığı duyulan məsələdə irəliləyiş olacaq.

Yaxın ətrafınızdakı insanların ideyaları ilə tanış olun. Bu ideyaların müzakirəsinə çox vaxt gedə bilər, amma həmin zaman boş yerə xərclənməyəcək.

Axşam saatlarında informasiya mübadiləsində fayda var.

Oxatan - yaşam arealınızın genişləndirilməsinə ehtiyac duyulur. Bunun üçün imkanlar yaranır. Uzaq səfər fikrinizi dağıdaraq əhvalınızı yaxşılaşdıra bilər. Önəmli məsələlərin həlli üçün stimula ehtiyacınız var.

Uzaqdakı tərəfdaşlar və ya qohumlarla əlaqələr imkanlarınızı reallaşdırmağın yeni variantlarını gündəmə gətirə bilər. Önəmli məsələnin öhdəsindən gələ bilmədiyinizi anlayanda yardım istəməkdən çəkinməyin.

Yaradıcı fəaliyyət üçün obyekt arayın.
Həllini tapmamış problemi çözməyə çalışın.

Oğlaq - dünənki nailiyyətlər və ümidlər bu gün tənqidə məruz qala bilər. İşlərinizin sonucları sizdə əndişə, narazılıq yarada bilər.

Səhvi düzəltməkdə yardımçı ola biləcək informasiya arayın. Seçim edin, yeni işə başlamayın. Münaqişə və dedi-qodulara qatılmayın.

İndi tərəflərin hamısını təmin edəcək çözüm variantı tapmaq asan deyil. Gərginlik artır. Bəzi situasiyalara münasibət birmənalı deyil, yaşamınızda nə isə təkrarlanır.

Axşam saatlarında mühüm görüş və ya tədbiri planlaşdırmayın.
Ümid etdiyiniz effekti əldə etməyəcəksiniz.
Mühüm işləri sabaha saxlayın.

Dolça - ən müxtəlif məsələlərə görə yaxınlarınızdan biri və ya iş yoldaşı ilə mübahisə yarana bilər. Razılıq, güzəşt əldə etmək asan olmayacaq. Mübahisə naminə mübahisə etməyin. Tənqid və ya köhnə problemin müzakirəsindən qaçın.

Münaqişlərdən yayının, amma tək qalmağa çalışmayın. Çox gərgin vəziyyətdə yumor hissini xatırlayın, zarafat edin.

İşgüzar məsələlərin həllində bütün mövqeləri öyrənin, fikirləri dinləyin. Bəyənmədiyiniz ideya ilə də tanış olun.

Axşam saatlarına yaxın mövqeyiniz dəyişə bilər.

Balıqlar - qəfil məsrəflər olacaq. Yeni planın reallaşdırılması üçün maliyyə vəsaiti çatmayacaq. Böyük əminliklə nəyisə etməyə və ya deməyə çalışmayın.

Eqoizminiz, özünə inamınız sınağa məruz qala bilər. Maraqların ümumi olduğu qrupda çalışmaq yeni həll, planın gündəmə gəlməsinə səbəb ola bilər.

Şəxsi münasibətlər müstəvisində diqqətli və həssas olun, sayıq davranın.
Hərəkətlərinizin effekti gözlənilməz, qeyri-adi ola bilər.