Rusiyanın Çelyabinsk vilayətində hərbi komissarlığı yandırmağa cəhd edən 17 yaşlı kollec tələbəsi saxlanılıb.

O, gecə saatlarında Aşa şəhərinin Hərbi Komissarlığının binasına “Molotov kokteyli” atıb.

Məlumatda qeyd olunub ki, hərbi komissarlığın binası Rusiya qvardiyasının üç əməkdaşı tərəfindən mühafizə olunsa da, tələbəni hadisə yerində saxlamaq mümkün olmayıb.

O, hüquq mühafizə orqanlarının apardığı axtarış nəticəsində bir neçə saat sonra saxlanılaraq istintaqa təhvil verilib.

Dindirmə zamanı gənc törətdiyi əməli Rusiya ordusunun Ukraynada həyata keçirdiyi hərbi əməliyyatlara etiraz əlaməti olaraq törətdiyini söyləyib.

Mənbə: “Baza”

Şəffaflıq.az