Çin Azərbaycana dəmir yolu vasitəsilə 50 konteyner ixrac malı göndərəcək
Çinin Tsindao şəhərindən Bakı istiqamətində ikinci konteyner qatarı yola düşüb.
Azərbaycan Dəmir Yolları QSC-nin törəmə şirkəti olan ADY Container MMC-nin verdiyi məlumata görə, qatar 51 40-futluq konteynerdən ibarətdir.
Bildirilib ki, qatarın Qazaxıstanın Aktau şəhərinə gəldikdən sonra konteynerlərin ADY Container tərəfindən idarə olunan fider gəmisi ilə Bakı limanına çatdırılacaq.
Şirkət yüklərin böyük hissəsinin Azərbaycan üçün nəzərdə tutulduğunu deyib: “Bakıdan Gürcüstana 10, Türkiyəyə isə 3 konteyner göndəriləcək. İlin sonuna qədər Çin - Azərbaycan istiqamətində 50-yə qədər dəmir yolu konteyneri nəql etməyi planlaşdırırıq”.
Qeyd edək ki, nəql Çin Dəmir Yolları ilə Trans-Xəzər beynəlxalq nəqliyyat marşrutuna üzv olan KTZ Express, ADY Container MMC və GR Logistics və Terminal şirkətləri ilə əməkdaşlıq çərçivəsində həyata keçirilir.
Xatırladaq ki, Tsindao-Bakı marşrutu üzrə ilk qatar 2021-ci ilin fevralında Azərbaycana gəlib. Tsindao Limanı Çinin ən böyük taxıl və neft terminallarına sahib ikinci ən böyük liman sayılır. 2019-cu ildə liman bir milyard ton yük nəql edib.
Şəffaflıq.az
Facebook-da paylaş
