Donald Tramp: Karantin koronavirusun özündən pisdir
ABŞ prezidenti Donald Tramp bildirib ki, COVID-19-a görə tətbiq edilmiş karantin qaydaları virusun özündən də pisdir.
Şəffaflıq.az xəbər verir ki, bu barədə Ağ Ev rəhbəri özünün tvitterdəki səhifəsində yazıb.
"Demokratlar tərəfindən idarə olunan ştatlarda karantin bir çox insanların həyatını tamamilə dağıdır. Bu, Çin virusunun vurduğu ziyandan da pisdir. Özünü təcridetməyə baxmayaraq, Kaliforniyada yoluxanların sayı artdı”, - o tvitterdəki hesabında yazıb.
Bu halda Tramp qeyd edib ki, qadağaların olmadığı Florida və başqa regionlarda virusun yayılmasının öhdəsindən əla gəlirlər.
Con Hopkins Universitetinin məlumatına görə, ABŞ COVID-19-a yoluxma hallarının sayına görə dünyada birinci yerdədir. Təkcə bu ölkədə koronavirusa demək olar, 20 milyona yaxın yoluxma qeydə alınıb, 340 min nəfərədək insan virusdan ölüb.
Facebook-da paylaş
