Son bir gündə dünyada koronavirusa 136,5 min nəfər yoluxub - ÜST

 

Dünyada COVID-19-a yoluxma hallarının ümumi sayı 7,4 milyon nəfəri ötüb, 418 mindən çox insan yeni növ virusdan ölüb.

Şəffaflıq.az xəbər verir ki, bu barədə Ümumdünya Səhiyyə Təşkilatı (ÜST) bildirib.

Təşkilatın məlumatına əsasən, son bir gün ərzində yeni növ koronavirusa 136572 yoluxma qeydə alınıb, COVID-19 analizi müsbət çıxmış 4925 nəfər ölüb. Beləliklə, dünyada təhlükəli virusa yoluxma ilə bağlı aşkar edilmiş halların ümumi sayı 7410510 təşkil edir. İndiyədək virusun aşkarlandığı ayrı-ayrı ölkələrdə 418 294 koronavirusun qurbanı olub.

Koronavirusa ən çox yoluxma Şimali və Cənub Amerikada qeydə alınıb. Bu qitədə 3 560 591 nəfərin COVID-19 analizi müsbət olub.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Xəbəri paylaş


Facebook-da paylaş


{sape_links}{sape_article}