Son 24 saatda dünyada 80 minədək insan koronavirusa yoluxub
Çinin Uhan şəhərindən yayılmağa başlayan yeni növ koronavirus infeksiyası (COVID-19) artıq dünyada 4,18 milyona qədər insanın bu virusa yoluxmasına yol açıb.
Şəffaflıq.az “Worldometer”ə istinadən xəbər verir ki, Bakı vaxtı ilə səhər saat 07:00-a olan statistikaya əsasən, son sutka ərzində 79 875 nəfərdə virusa yoluxma aşkar edilib, bununla da yoluxanların ümumilikdə sayı 4 178 154 nəfərə çatıb.
Ölüm sayında da artım müşahidə edilib. Bir gündə 3510 nəfər infeksiyaya yoluxma nəticəsində həyatını itirib. Ümumilikdə dünyada koronavirusdan ölənlərin sayı isə 283 734 nəfərdir. İndiyədək 1 490 444 nəfər sağalıb və hazırda 2 403 976 aktiv yoluxmuş xəstə var.
Ən çox yoluxma halları Avropa bölgəsindədir. Burada indiyədək 1 628 576 nəfərdə virus aşkar olunub, 152 740 nəfər isə dünyasını dəyişib. Cəmi 658 498 nəfər sağalıb.
Ölkələr üzrə isə ən çox yoluxma halları ABŞ (1 367 638), İspaniya (264 663), Böyük Britaniya (219 183), İtaliya (219 070), Rusiya (209 688), Fransa (176 970), Almaniya (171 879), Braziliya (162 699), Türkiyə (138 657) və İranda (107 603) qeydə alınıb.
Facebook-da paylaş
