Astanada (Qazaxıstan) elektromobillər üçün avtonom günəş enerjidoldurma stansiyası işə salınıb.

Şəffaflıq.az xəbər verir ki, bu barədə respublikanın Ekologiya və Təbii Sərvətlər Nazirliyi məlumat yayıb.

Tərtibatçıların məlumatına görə, bu, MDB-də ilk belə qurğu olub.

Stansiya "Alatau" idman kompleksinin ərazisində yerləşir və şəhər elektrik şəbəkələrindən asılı olmayaraq, "off-grid" prinsipi ilə işləyir. Layihə Qazaxıstanın "BOLASHAQ POWER" MMC şirkəti tərəfindən hazırlanıb.

Kompleksə 100 kVt gücündə günəş generasiyası və ümumi tutumu 645 kVt/saat olan enerji toplayıcıları daxildir. Obyekt həmçinin Qazaxıstanın Yaşıl taksonomiyasının meyarlarına uyğundur.