Yaponiyada avqustun 21-də ölüm hökmü icra edilib.

Şəffaflıq.az-ın Yaponiya İctimai Televiziyasına istinadən verdiyi xəbərə görə, bu, ölkədə 2025-ci ilin yayından bəri həyata keçirilən ilk edamdır.

Bundan əlavə, bu, 2025-ci ilin payızında Sanae Takaçinin rəhbərlik etdiyi hökumətin formalaşmasından sonra ədliyyə nazirinin icrasına göstəriş verdiyi ilk ölüm hökmü olub.

Hakimiyyət orqanları hökmün hansı cinayət işi üzrə icra edildiyini hələlik açıqlamayıb. Yaponiyada ölüm hökmü asılma yolu ilə həyata keçirilir.

Qeyd edək ki, Yaponiyada ölüm hökmünün saxlanılması cəmiyyətdə geniş dəstəyə malikdir. Yaponiya hökumətinin 2025-ci ildə keçirdiyi sorğuya əsasən, ölkə əhalisinin 80 faizindən çoxu ölüm hökmünün saxlanılmasının tərəfdarıdır. Respondentlərin 16,5 faizi isə ölüm hökmünün ləğv edilməsini dəstəkləyib.