Türkiyənin "Qalatasaray" klubu UEFA Çempionlar Liqasının əsas mərhələsinin V turunda məğlub olub.

Şəffaflıq.az xəbər verir ki, "Ali Sami Yen" stadionunda Belçikanın "Yunion" klubunu qəbul edən İstanbul təmsilçisi 0:1 hesabı ilə uduzub.

Qolu 57-ci dəqiqədə Promis Akinpelu vurub.

"Sarı-qırmızılar"ın heyətində 89-cu dəqiqədə Arda Ünyay ikinci sarı vərəqəni alaraq meydandan qovulub.

Qeyd edək ki, "Qalatasaray"ın cari mövsüm Liqa mərhələsində 9 xalı var.