İl ərzində 273 ekoloji layihə həyata keçirilib və Xankəndi və Ağdərə üzrə 13 layihə təqdim olunub.

"Report"un Xankəndi şəhərinə ezam olunmuş əməkdaşı xəbər verir ki, bunu ETSN-in Dövlət Ekoloj Ekspertiza Agentliyinin İdarə Heyətinin sədri Mirsalam Qənbərov ekoloji məsələlər üzrə işçi qrupun iclasında deyib.

Agentliyin sədri bildirib ki, iki il ərzində təkcə meşə fonduna dəyən ziyanın nəticəsi 15 milyondan yuxarıdır:

"İndiyədək layihələrin icrası və qiymətləndirilməsi paralel surətdə həyata keçirildi. Müvafiq qurumların qiymətləndirilməsi düzgün yerinə yetirilmədiyi üçün belə problemlər çıxır. Layihələr bütün dövlət qurumlarla razılaşdırılmalı və sonra icra edilməsinə başlanılmalıdır. Qiymətləndirilmə düzgün edilməyəndə layihə başa çatsa da, illər sonra ekoloji fəsadlar ortaya çıxır".